តួនាទី, ភារកិច្ចរបស់មេធាវីក្រុមហ៊ុន

ព្រៈរាជាណាចក្រកម្ពុជា

ជាតិ សាសនា ព្រៈមហាក្សត្រ

6

តួនាទី, ភារកិច្ចរបស់មេធាវីក្រុមហ៊ុន

ដើម្បីធ្វើឲ្យប្រាកដប្រជាថា ដំណើរការអាជីវកម្មដីធ្លី របស់ក្រុមហ៊ុន ទទួលបាននូវការប្រឹក្សា ឬយោបល់ណែនាំលើជំនាញពិសេសខាងផ្លូវច្បាប់ប្រកប ដោយប្រសិទ្ធភាព និរន្តរភាព ដែលបានធ្វើឡើង និងគិតគូរយ៉ាងច្បាស់លាស់ក្នុងទំរង់គតិយុត្ត នាពេលបច្ចុប្បន្ន និងអនាគត និងដើម្បីធានាថា រាល់ប្រត្តិការអាជីវកម្មដីធ្លី អនុលោមតាមច្បាប់រដ្ឋធម្មនុញ្ញ និងច្បាប់នានា ដែលកំពុងស្ថិតនៅជាធរមាន របស់ព្រៈរាជាណាចក្រកម្ពុជា​និង អនុស្សរណៈ កិច្ចព្រមព្រៀង កិច្ចសន្យា ឧបសម្ព័ន្ធ និងលិខិតបទដ្ឋាននានា ដែលក្រុមហ៊ុនបាន បង្កើតឡើង ជាមួយភាគីជាដីគូរ របស់ខ្លួននោះ មេធាវី មានតួរនាទី និងភារកិច្ចដូចខាងក្រោម;

១- ដំណោះស្រាយរាល់វិវាទទាំងឡាយ ដែលកើតមានឡើងលើបញ្ហាទំនាស់ដីធ្លីទាំងក្នុងប្រពន្ធ័តុលាការ ទាំងក្រៅប្រពន្ធ័តុលាការ ឲ្យមានប្រសិទ្ធភាពខ្ពស់។

២- ទំនាក់ទំនង សំរបសំរួលជាមួយស្ថាប័នមានសមត្ថិកិច្ច និងអាជ្ញាធរដែនដី លើតំបន់អាជីវកម្មដីធ្លីរបស់ក្រុមហ៊ុន ដើម្បីឲ្យដឹងអំពីពត័មាន និងហេតុផលប៉ះពាល់ទាំងឡាយ ដែលអាចកើតមានឡើងជាយថាហេតុ បណ្តាលមកពីការតវ៉ា ទាមទារកម្មសិទ្ធដីធ្លី និងការរំលោភបំពានយ៉ាងអនាធិបតេយ្យលើដីធ្លីពីសំណាក់តតិយជន។

៣- ធ្វើរាល់ពាក្យបណ្តឹងទាំងឡាយទៅគ្រប់ស្ថាប័នមានសមត្ថិកិច្ច អាជ្ញាធរដែនដី និងតុលាការគ្រប់ជាន់ថ្នាក់ លើដីធ្លីដែលកំពុងមានវិវាទ។

៤- ធ្វើអនុស្សរណៈ កិច្ចព្រមព្រៀង កិច្ចសន្យា ឧបសម្ព័ន្ធទិញ លក់ដីធ្លី​និង លិខិតបទដ្ឋាននានា​ រវាងក្រុមហ៊ុន និង ជាមួយភាគីជាដៃគូររបស់ខ្លួន។

៥- ធ្វើការពិនិត្យ និងការរំលឹកចំពោះសុពលភាព នៃការផុតកំណត់កិច្ចសន្យា ការបន្តកិច្ចសន្យា ដំណាក់ការទូទាត់ប្រាក់ ដើម្បីឲ្យភាគីពាក់ពាន័្ធ ឬក្រុមហ៊ុនបានដឹងមុន។

៦- ​ផ្តល់ការប្រឹក្សាច្បាប់ និងនិតិវិធីលើដំណោះស្រាយដីធ្លីទាំងឡាយដល់ប្រធាន អនុប្រធាន គំរោងដីធ្លី និងនាយកដ្ឋានផ្សេងទៀតនៃក្រុមហ៊ុន(ប្រសិនបើមានការសុំប្រឹក្សាយោប់ច្បាប់)។

៧- ធ្វើការសិក្សាស្រាវជ្រាវច្បាប់ និងច្បាប់ដែលនឹងត្រូវតាក់តែងឡើងនាពេលអនាគត ហើយធ្វើការវិភាគ ផ្តល់ការប្រឹក្សា  ឬ យោបល់ណែនាំដល់ប្រធានប្រឹក្សាភិបាលនិងសមាជិកក្រុមប្រឹក្សាភិបាលក្រុមហ៊ុន អំពីផលប៉ះពាល់ ឬការប៉ះពាល់ផ្សេងៗ មកលើកិច្ចដំណើរការអាជីវកម្មដីធ្លីរបស់ក្រុមហ៊ុន ទាំងការរំលោភកម្មសិទ្ធបញ្ញា និងម៉ាកពាណិជ្ជនាម។

៨- សិក្សាយល់ដឹងអំពីរចនាសម្ពន័្ធរបស់រដ្ឋាភិបាល ថាតើប្រពន្ធ័ដំណើរការ និងអនាគត អំពីផលប៉ះពាល់មក លើអាជីវកម្មដីធ្លីរបស់ក្រុមហ៊ុន។

៩- ​ការត្រួតពិនិត្យមើលរាល់បទបញ្ញាត្តិផ្សេងៗ និងនិតិវិធី ដើម្បីជៀសវៀងផលប៉ះពាល់ណាមួយមកលើអាជីវកម្មដីធ្លី ដែលណែនាំ  អោយក្រុមហ៊ុនខាត់បងនូវកិត្តិយស និងព្យសនកម្ម ដែលបណ្តាលមក ពីការផ្សព្វផ្សាយ ពាណិជ្ជកម្ម សេចក្តីថ្លែងការណ៏ ការប្រកាស ឬការប្រកាស ឬការបោះពុម្ភផ្សាយ…..។ល។

                                                                                                             

                                                                                      ភ្នំពេញថ្ងៃទី៩  ខែឆ្នូ  ឆ្នាំ២០១៣

                                                                                                                                                                                                                                        ហត្ថលេខា

                                                                                                                                                                                                                                         កាន សីហា